घूमतडा घरे आवो सा, आवो म्हारा प्यारा गजानंद

गणपती जी का भजन

घूमतडा घरे आवो सा, आवो म्हारा प्यारा गजानंद,
खेलतडा घरे आवो सा, आवो म्हारा प्यारा गजानंद ।। टेर ।।

रणत भंवर से आप पधारो देवा, संगड़ा में रिद्धि–सिद्धि लावो सा ।। 1 ।।
आवो म्हारा प्यारा गजानंद ……

ब्रह्म लोक से ब्रह्मा जी आवो देवा, संगड़ा में सावित्री लावो सा ।। 2 ।।
आवो म्हारा प्यारा गजानंद ……

विष्णु लोक से विष्णु जी आवो देवा, संगड़ा में लक्ष्मी जी लावो सा ।। 3 ।।
आवो म्हारा प्यारा गजानंद ……

डमरू बजाते हुए शिवजी पधारो देवा, संगड़ा में पार्वती लावो सा ।। 4 ।।
आवो म्हारा प्यारा गजानंद ……

राम भी आवो देवा लक्ष्मण भी आवो, संगड़ा में सीता सती लावो सा ।। 5।।
आवो म्हारा प्यारा गजानंद ……

मुरली बजाता कृष्ण जी पधारो देवा, संगड़ा में राधा रुक्मण लावो सा ।। 6 ।।
आवो म्हारा प्यारा गजानंद ……

वीणा बजाता नारद जी दौड़ आया, संगड़ा में सरस्वती लावो सा ।। 7 ।।
आवो म्हारा प्यारा गजानंद ……

बाई मीराँ कहे प्रभु गिरधर नागर, हरक हरक गुण गावो सा ।। 8।।
आवो म्हारा प्यारा गजानंद ……

घूमतडा घरे आवो सा, आवो म्हारा प्यारा गजानंद,
खेलतडा घरे आवो सा, आवो म्हारा प्यारा गजानंद ।।