ल्याया थारी चुंदड़ी करियो मां स्वीकार

माताजी का भजन

(तर्ज – देना हो तो दीजिए, जनम-जनम…….. )

ल्याया थारी चुंदड़ी, करियो मां स्वीकार।
सांचा सांचा हीरा ज्यामें-2, मोतिया की भरमार।। टेर ।।

चुनरी को रंग लाल चटक है, तारा भी चिपकाया मां।
बढ़िया पोत मंगायो ज्यामें-2, गोटो भी लगवायो मां।
थे तो ओढ़ दिखाओ मैया-2, मानांगा उपकार।। 1 ।।
ल्याया थारी चुंदड़ी…………….

बस इतनी सी कृपा कर दे, सेवा में लग जावा मां।
म्हाने तू इण लायक कर दे, चुंदड़ी रोज चढ़ावा मां।
बस टाबरिया पर बरसे-2, हर दम थारो प्यार।। 2 ।।
ल्याया थारी चुंदड़ी…………….

एक हाथ सुं भक्ति दिजे, एक हाथ सुं शक्ति मां।
एक हाथ सुं सेवा दिजे, और एक हाथ सुं मुक्ति मां।
तू तो हर हाथां सुं दिज्ये, मां थारा हाथ हजार।। 3 ।।
ल्याया थारी चुंदड़ी…………….

मैं तो थारो टावर मैया, सेवा बताती रहिजे मां।
जिण लायक भी समझे मैया, काम भुलाती रहिज्ये मां।
रात और दिन बैठ्यो हूं मैया-2, सेवा में तैयार।। 4 ।। 
ल्याया थारी चुंदड़ी…………….