सावण सुरंगों प्यारो भादवो

माताजी का भजन

सावण सुरंगों प्यारो भादवो जी, म्हाने प्यारी लागे माँ,
राहे जगजननी माँ, किरपा राखजो ॥ टेर ।।

जगत उद्धारण कारणे जी, मैया लिनो अवतार – 2,
सांचो तेरो दरबार, किरपा राखजो ॥ 1 ॥
सावण सुरंगों प्यारो…….

ऊँचे शिखर थारो बैठणों जी मैया, शोभा आलीशान – 2,
म्हे टाबर अनजान, किरपा राखजो ॥ 2 ॥
सावण सुरंगों प्यारो…….

आपणों थाने जाणके जी मैया, आया थारे द्वार – 2,
करियो बेड़ा पार, किरपा राखजो ॥ 3 ॥
सावण सुरंगों प्यारो…….

थे रूसयां मैया ना सरे जी मैया, पलकां तो खोल – 2,
एक बार मुखड़े बोल, किरपा राखजो ॥ 4 ॥
सावण सुरंगों प्यारो…….

सावण सुरंगों प्यारो भादवो जी, म्हाने प्यारी लागे माँ,
राहे जगजननी माँ, किरपा राखजो ॥