गणनायक राजा राखो सभा में

गणपती जी का भजन

गणनायक राजा राखो सभा में म्हारों मान ।।टेर।।

प्रथम याचना किनी थासू, शरणों लीनो आन।
रणत भँवरगढ़ आप बिराजो, दुनियां धरे है थाको ध्यान ।। 1 ।।
गणनायक राजा……………

पढ़ा लिखा मैं ऐसा नाहीं, ना कोई दुसरो ज्ञान।
कर में कलम रूक गई मेरी, आप करो कल्याण ।। 2 ।।
गणनायक राजा……………

शिवयोगी के पुत्र लाडले, जिनके अद्भुत भाल।
मूसे ऊपर करो सवारी, पार्वती के लाल ।। 3 ।।
गणनायक राजा……………

“रामेश्वर” अरदास करे, चरणा मैं ऊबो आन।
हिरदे माँई करो उजाला, हरदम उपजे ज्ञान ।। 4 ।।
गणनायक राजा……………